قربانی کے ایام تین ہیں اسکی دلیل احادیث مرفوعہ وآثار صحابہ سے

قربانی کے ایام تین ہیں اسکی دلیل احادیث مرفوعہ وآثار صحابہ سے:

اَحادیثِ مرفوعہ اور اَقوال وآثار صحابہ سے استدلال:

حضراتِ صحابہ رضوانﷲ علیہم اجمعین کی ایک جماعت کا مسلک اِس سلسلہ میں یہی منقول ہے کہ قربانی صرف تین دن یعنی ۱۰؍۱۱؍ اور ۱۲؍تاریخ تک ہی جائز ہے، اور یہی مسلک صحیح روایات مرفوعہ اور اقوال وآثار صحابہ سے ثابت ہے، اور یہ بات متفق علیہ ہے کہ حضرات اصحابؓ اگر ایسی بات کہیں جس کا تعلق قیاس سے نہ ہو؛ بلکہ سماع سے ہو تو وہ حکما مرفوع ہوتا ہے، اور یہ سمجھا جاتا ہے کہ اُنہوں نے یہ بات حضرت نبی کریم صلی اللہ علیہ وسلم سے سن کر ہی کہی ہوگی، اِس لئے اَب ہم وہ روایات پیش کرتے ہیں: 

إن رسول اللّٰہ صلی اللّٰہ علیہ وسلم نہاکم أن تأکلوا لحوم نسککم فوق ثلاث۔ (صحیح البخاري ۲؍۸۳۵)

اِس روایت سے معلوم ہوا کہ قربانی کرنا تو تین دن بہر حال جائز ہے، اَب اگر چوتھے دن بھی جائز قرار دیںگے، تو اِس روایت کا کوئی معنی نہیں رہے گا؛ اِس لئے کہ ِاس سے تو منع کرنا ایسے وقت میں لازم آرہا ہے کہ جب جمع کرکے رکھنا اور کھانا دونوں ممنوع ہے، اور یہ مہمل بات ہے،یہاں اگر کوئی یہ کہے کہ قربانی کے گوشت کو تو رکھنے کی اجازت بعد میں دے دی گئی ہے، لہٰذا قربانی کی بھی اجازت ہوگی تو اس کا جواب یہ ہے کہ قربانی کا گوشت تو سالوں سال رکھنے کی اجازت ہے، تو کیا قربانی کی اجازت بھی پورے سال ہوگی؟ حالاںکہ اس کا کوئی بھی قائل نہیں؛ لہٰذا یہ اعتراض قابل التفات نہیں، الحاصل یہ کہ تین دن سے زائد جمع نہ کرنے کی روایت سے دو باتیں ثابت ہوئیں:

(۲) تین دن سے زائد قربانی کا گوشت جمع کرکے رکھنا منع ہے؛ لیکن بعد میں آپ نے قربانی کے گوشت کو جمع کرکے رکھنے کی اجازت مرحمت فرمادی، اِس لئے پہلے ثابت شدہ دونوں باتوں میں سے دوسری بات ختم ہوگئی، مگر پہلی بات تو اب بھی اپنی جگہ ثابت ہے کہ قربانی تین دن تک مشروع ہے۔ (مستفاد از: اعلاء السنن ۱۷؍۲۳۸ مطبوعہ پاکستان) 

عن نافع أن عبد اللّٰہ ابن عمر قال: الأضحی یومان بعد یوم الأضحی۔ (المؤطا للإمام مالک، کتاب الضحایۃ / الضحیۃ عما في بطن المرأۃ ۱۸۸ المکتبۃ الأشرفیۃ دیوبند)

حضرت انس رضیﷲ عنہ فرماتے ہیں کہ قربانی عید کے بعد دو دن تک مشروع ہے۔ 

حضرت اما م طحاوی رحمہﷲ نے اچھی اور عمدہ سند سے احکام القرآن میں حضرت ابن عباس رضیﷲ عنہ کا یہ قول نقل کیا ہے کہ قربانی یوم نحرکے بعد دو دن ہے۔ 

من طریق ابن أبي شیبۃ قال: حدثنا زید بن حباب عن معاویۃ بن صالح حدثني أبو مریم سمعت أبا ہریرۃ یقول: الأضحی ثلاثۃ أیام۔ (إعلاء السنن ۱۷؍۲۳۶)

ابن ابی شبیہ نے بطریق جریر عن منصور عن مجاہد عن ماعز بن مالک بن ماعز الثقفی عن ابیہ یہ روایت بیان کی ہے کہ حضرت عمر رضی اﷲ عنہ فرماتے تھے کہ قربانی اُن ہی تین دنوں یعنی ۱۰؍۱۱؍ اور ۱۲؍ذی الحجہ میں مشروع ہے۔ 

حضرت مجاہد رحمہﷲ کے مراسیل باتفاق علماء مقبول ہوتے ہیں؛ اِس لئے کہ وہ صرف ثقہ راوی ہی سے نقل کرتے ہیں؛ لہٰذا اِس روایت کے حجت ہونے میں بھی کوئی تأمل نہیں۔ 

اور یہی مسلک ابن وہب نے حضرت ابن مسعود رضیﷲ عنہ کا نقل کیا ہے کہ قربانی کے تین ہی دن ہیں۔ 

حضرت علی رضیﷲ عنہ فرماتے تھے کہ قربانی کے تین دن ہیں پہلا دن افضل دن ہے۔ 

رضی ﷲ سے مروی ہے کہ قربانی کے تین دن ہیں، پہلا دن افضل ہے۔کتاب النوازل ۵۶۹/۱۴تا۵۸۷)نوادر الفقہ:۸۰تا۸۳)شیخ یونس جون پوری)(ایام قربانی کی صحیح تعداد ۲۲تا۲۳)(قربانی صرف تین دن صفحہ: ۸)

7086592261